బంగాళాఖాతంలో..

చుట్టూ చెట్లు

కనుచూపుమేరంతా సముద్రం 

మెల్లిగా అడుగులు వేసాను

బంగారపు రంగులో ఉంది ఇసుక 

మోకాళ్ళ లోతు నీళ్లలో ఉన్నాను

ఆకాశం భూమి కలిసే చోట 

తళుక్కుమని మెరిసింది

అల ఒకటి ఫెళ్లుమని కొట్టింది

దెబ్బకి ఆలోచనలు ఎగిరిపోయాయ్

నేస్తాల చేతులు పట్టుకుని 

వచ్చే అలను డీ కొట్టాను

నవ్వుతూ ఎగిరి పడ్డాం

తీరమంతా మనుషులతో నిండిపోయింది

అందరూ ఇసుక పూసుకున్న రాళ్ళలా అనిపించారు

ఆ ఉప్పునీరు కదులుతోంది

శిరస్సు నుంచి పాదాల దాకా మమ్మల్ని ముంచుతూ

మాతో పాటు మునుగుతూ ఉంది

ఎంత ప్రయత్నించినా లోపల ఏముందో 

చూడలేకపోయాను

సరిగ్గా మన మనసులాంటిదే కదా ఆ సాగరం కూడాను

బంగాళాఖాతంలో సముద్ర స్నానం

నవ్వులతో గడిచిన సాయంత్రం

ఒక అందమైన చోటు

నన్ను నేను కలుసుకున్నాను