బంధం విలువ

నాలో ఉన్న అవ్యాజమైన ప్రేమని 

వ్యక్తపరచడం నా వల్ల కాలేదు 

అర్ధం చేసుకోవడం నీ వల్లా కాలేదు 

మనిద్దరి మధ్యన 

నిశ్శబ్దమనే గోడ కూల్చడం 

ఎవ్వరి వల్లా కాలేదు 

నిన్ను చూసినప్పటినుంచీ

నాలో కలిగిన భావాలు 

నాకే స్పష్టంగా అర్ధం కాలేదు

నీకెలా చెప్పేది 

నీ నవ్వులోని ఆత్మీయత 

నీకే స్పష్టంగా తెలియదు 

నేనెలా స్పందించేది 

ఈ బంధాలు బద్దలుకొట్టుకునే 

ఈ ఆధునిక ప్రేమికులకు 

గుండె బద్దలవడం 

అర్ధమయ్యే విషయం కాదులే 

ఏనాటికైనా ఈ బంధం విలువ 

నీకు తెలుస్తుందనే 

ఆశతో జీవిస్తున్నాను