బిగికౌగిలి !

ఎంత హాయి చల్లనిరేయి !

పండువెన్నెలతో భువిని

మరింత అందమైనసీమగా

చీకటి మార్చుతున్నదోయి !

పగలంతా మనిషిమనిషి

తనను తాను మున్ముందుకు

నడిపించుకొనుటలో

తీరికలోను ఆలోచనల సాగరంలోనే !

సంధ్యవేళలో భానునికి ,

నలువైపులా పరచుకున్న

చెట్లనీడలోని శోభకు

మరోమారు వీడ్కోలు పలుకుటలో !

ఊరూవాడా బారులుతీరిన

రంగురంగుల దీపకాంతులలో

ఆటపాటలలో మునిగితేలే

యువతరం హద్దులను తాకుటలో !

ఊరించే కౌగిలింతల హోరులో

మధురోహల పల్లకీలలో

రేయంతా కంటిరెప్పల వెనుక

ఏదో ఒకరోజు నిజమయ్యే

గంటల నిడివిగల కలల అలల్లో !!