అవ్యక్త ప్రేమ

నా మధుర భావనలు

వ్యక్త పరచేలోగానే 

నువ్వు దూరమై పోయావు 

నా మనోగాధ లోతులు 

నీకు నివేదించే లోగానే 

నువ్వు దూరమై పోయావు

ఆ వెన్నెల కురిసిన రాత్రి 

నువ్వూ రాలేదు, నేనూ పిలవలేదు 

బిడియం ప్రేమ వ్యక్తీకరణకు 

తొలగించలేని ఆటంకమయ్యిందని 

నీకు విన్నవించేలోగానే 

నువ్వు దూరమై పోయావు 

అయినా 

ఎక్కడ మనోహర 

పుష్ప సుంగంధాలు వ్యాపించినా 

ఎక్కడ మనోకల్ప 

సంగీతం వినిపించినా 

ఎక్కడ కాల్పనిక 

అందెల రవళులు వినిపించినా

ఎక్కడ కమ్మ తెమ్మెరలు 

పరవశానికి గురిచేసినా 

మనోహరమైన నీ ఉనికిని 

నేను అనుభవిస్తూనే ఉంటాను