అవునా? శ్రీనివాస భారతి
అవునా? శ్రీనివాస భారతి
నీకోసం
ఒళ్లంతా కళ్ళు చేసుకున్నా
అందం
మనసునుండి పుట్టాలని
గుండె తలుపు తీసి ఉంచా
ఒక సుమూహూర్తంలో
నన్ను పలుకరించావు
నమ్మలేని ఊసులు పంచుకున్నావు
ఎంత ఆనందమో
నీ కోసం అక్షరాలు పుడితే
నిన్ను నిన్నుగానే ఆరాధిస్తా
ఆ చోటు ఇంకెవరికీ దక్కదు
పాత జ్ఞాపకాలను నెమరేస్తూ
తొంభై ఏళ్ళు గడిపేస్తాలే
నలభై ఐనా ఏమిటి లోటు
నీ మాటలు నన్నాకర్షిస్తే
నా మాటలు ఆకట్టుకోవెందుకని?
ఇరవైలో అరక్షణం ఆకర్షణ కన్నా
నిశ్చలమైన నా భావం నిజం
ఆకర్షణ మాత్రం కాదు...
నన్ను కట్టిపడేసే అంతర్సౌందర్యం
నీ దగ్గరుందని తెలిసాక
నిన్నెలా వదులుకొను?
నా మనసును గెలిచిన మాటలు
నీ పెదవులు తాకి బైటకు వస్తే
ఎంతఆనందమో కదా...
ఎప్పటికీ నిన్నలానే
ప్రేమగా గుర్తుంచుకొంటా
పాత మధురాల్ని తలబోస్తూ
ఈ దూరం ఇంకెన్నాళ్లు
సూర్యుడ్ని మబ్బులు దాయలేవుగా..
హృదయం చీల్చి చూస్తేనే
మనోవేదన బయట పడేది.
చుక్కలు లెక్కలేస్తున్నాయి
దూరం చెరిగేదెప్పుడని
ఏ స్వార్ధం లేని ప్రేమ
కవికి ఊపిరి పోస్తుంది....
------------****************---------------