લાઈબ્રેરી
પ્રોફાઈલ
అసంతృప్తి
అసంతృప్తి
1 min
336
అసంతృప్తి
జీవిత చరమాంకంలో తృప్తిగా కనుమూయాల్సిన సమయంలో
ఏదో అసంతృప్తి!
ఎన్నో సాధించాలనుకున్నా ,
ఏమీ చెయ్య లేకపోయాననే
అసంతృప్తి !
ఎంతో నైపుణ్యాన్ని సాధించినా,
దానిని ఏ విధంగానూ
ఉపయోగించలేదనే అసంతృప్తి! .
సామర్ధ్యం ఉన్నా అన్నింటిలోనూ,
అందరి తోనూ
వెనుకబడి పోయాననే
అసంతృప్తి! .
ఎంతో రాయాలని ఉంటుంది
ఏమీ రాయలేక పోతున్నాననే
అసంతృప్తి!.
అందరినీ సంతోష పెట్టాలని చూసి
నా సంతోషాన్ని
మరచి పోయాననే
అసంతృప్తి!
స్నేహితులతో మనసుతీరా
మాట్లాడాలని ఉంటుంది
అది కుదరక ఎంతో
అసంతృప్తి!
చిరుజల్లు పడుతున్నవేళ సంగీతం
వినాలనే కోరిక ,
కోరికగానే మిగిలిందనే
అసంతృప్తి !.
అందరి కోసం సమయం వెచ్చించి
నా కోసం సమయం
కేటాయించు కోలేక పోయాననే
అసంతృప్తి!
ఇప్పటికీ దేనికీ
ధైర్యం చెయ్యలేక పోతున్నాననే అసంతృప్తి!
