అనుకోలేదూ..

ప౹౹

అనుకోలేదూ నువ్వే ఆమనిలా వస్తావని

తెలుసుకోలేదే మల్లెల మత్తునే తెస్తావని ౹2౹

చ౹౹

సింగారించిన చిలుకకే తెలుసే సోయుగం

పొంగారని అందమే ఆ కళ్ళకే కొత్త భోగం ౹2౹

వాడి చూపుల వలవేసి మెలివేసే మదిలో

వేడి నిట్టూర్పుల విరహం ఇక ఎద గదిలో ౹ప౹

చ౹౹

తేనె పలుకులూ తెరువ చూపే తెరువరికీ

వాన చినుకులూ వలపే పెంచే ఇరువురికీ ౹2౹

కొత్తసమరమే మెత్తగా మొదలిడి సాగాలి

చిత్తమంత ఎలమి ఊయలలోనే ఊగాలి ౹ప౹

చ౹౹

కొంటె గాలి సాగే కోమలి పిలుపుతో కలిసి

జంటగానే నడవాలి ఆ సమీరంతో మెలసి ౹2౹

అనుకొని ఆ అనుభవాలనే పంచుకోవాలి

కనుగొని కొన్నైనా ఎదలో దాచుకోవాలి ౹ప౹