అనుబంధం

ప౹౹

హాసమా చెప్పేవు మరువని ఎన్నో ఊసులు

చిరు దరహాసమా చిగురించనీ చిన్ని ఆశలు

౹2౹

చ||

నవ్వించే నయనం పెంచేనుగ కొత్త కోరికలు

కవ్వించే తరుణం కోసమే వేచే అభిసారికలు

౹2౹

మనసంతా వలపు మయమేగ ఈసమయం

సొగసంతా ఎక్కి సాగెనే ఆ తలపులహయం

౹ప౹

చ||

పన్నీటి పలుకులే పులకరింతలై పురి కొలుప

సన్నటి కులుకులే సరి గమలై మదినే నిలుప

౹2౹

ఎంతటి హాయి కలిగెనో ఈ మంద గమనమే

అంతటి కూరిమి గాలిలోతేలేచంద్రయానమే

౹ప౹

చ||

అధరం దాటి తేనెలజల్లు కురిసే కొత్త పలుకు

మధురం నిండి తనువే చూపే మత్తుకులుకు

౹2౹

ఒకనాటిదా ఈ బంధం ఎంచనూ సంబంధం

ఒక నేటితో ముగియునా ఆ సరిఅనుబంధం

౹ప౹