అలక

ఇటుతిరిగి నవ్వితే..సొమ్మేమి పోయేను..!? 
అలిగి అటు తిరిగితే..అసలేమి ఒరిగేను..!?  

సరదాగ ప్రాణాలు..తియ్యడం బాగులే.. 
చూపొకటి విసిరితే..చిక్కేమి వచ్చేను..!? 

ఏ జన్మ బంధమో..లాగె'నా మనసునే.. 
గంధాల వానలో..దారేల దొరికేను..!? 

ప్రశ్నించు తత్వమే..నిజశక్తి వరదాయి.. 
చీకట్లు తొలగించు..దివ్వెగా మారేను..! 

ఆధిక్యతా కాంక్ష..యుద్ధాల ద్వారమది.. 
మూఢమతు లాటలను..సత్యమే తేల్చేను..! 

ఈ పండు కాలమే..రాల్చునే కర్మములు.. 
శ్వాసతో కాపురము..శాంతమై మిగిలేను..!