అక్షరమాల వర్ణన

అ  - అద్భుతానికై ఆకాశానికి చూసే చూపు!

ఆ  - ఆనందానికై అవనిపై వేసే అడుగు!

ఇ   - ఇష్టం తో ఇతరులకు చేసే సహాయం!

ఈ  - ఈతరపు యువతకు ఇచ్చే సందేశం!

ఉ   - ఉన్నత స్థాయి కి చేరే ఆలోచనా!

ఊ  - ఊహలకు మాత్రమే పరిమితమా!

ఋ - ఋతువులు ఎన్ని మారుతున్నా!

ఎ  - ఎంత నేర్చుకున్నా మిగిలివున్న జ్ఞానమా!

ఏ  - ఏకాకిలా ప్రయత్నిస్తే సాధ్యమా!

ఐ  - ఐకమత్యంతో పోరాడితే అసాధ్యమా!

ఒ  - ఒడిదుడుకులకు కలత చెందే నేస్తమా!

ఓ  - ఓపికతో వుంటే జయము కలగదా!

ఔ  - ఔరా అని లోకము అబ్బురపడదా!

అం - అందరిలో కాకుండా అందరితో జీవించుమా!!