అక్షరాల వెలుగు

అక్షరాల వెలుగును నేను అందుకోలేకపోయాను..
చదువు విలువ తెలియకనే కాలం జార్చుకున్నాను..
సందడంత ఎదుటివారిదే.. నాకెందుకో ఈ చీకటి..
వెలిగిపోయే లోకంలో.. మిగిలిపోయా ఒంటరిగా..!


సంచీ భుజాన వేసుకుని సాటిపిల్లలు వెళ్తుంటే..
మదిలో ఏదో వెలితి నన్ను నిలువునా దహించేస్తుంటే..
పుస్తకాలు తెరిచే భాగ్యం నేడు నాకు లేదాయే..
తప్పు తెలుసుకునేసరికి.. కాలం చేజారిపోయే..!

బడిగంటల ఆ పిలుపులు.. నాకెందుకో వినపడలేదు..
గురువుల ఆ దీవెనలు.. నా నుదుటన రాసిలేదు..
కష్టపడి చదివుంటే.. గౌరవంగా బతికేవాణ్ణి..
కన్నీళ్లే నా కలమై.. నా కథనే రాస్తున్నా..!

చదువులేని నా జీవితం.. దిక్కులేని పడవాయే..
ఆశలన్నీ ఆవిరై.. గుండె నిండా బాధాయే..!