డబ్బు ఆట - సంపద వేట...???

వినరా... సోదరా... డబ్బు ఒక ఆటరా...
డబ్బు అందరినీ ఆడిస్తుందిరా. దాన్ని గెలిచేవారు కొందరేరా...
చేతిలో నాణెం పడకముందే... మనసులో కథ మొదలవుతుందిరా...
డబ్బు ఒక ఆటరా... నియమాలు కనిపించవురా...
వాటిని తెలుసుకున్నవాడే సంపదను సృష్టిస్తాడురా...
డబ్బు అందరినీ నడిపిస్తుందిరా. కానీ సంపదను చేరేవారు కొందరేరా...

కాలమనే ప్రయాణంలో.క్షణాన్ని అయినా వృథా చేయకురా...
సమయం మిత్రుడైతే.సంపద నీ చెంత చేరుతుందిరా...
డబ్బు వెంట అందరూ పడతారురా.సంపద దారి తెలిసినవారు కొందరేరా...
కోరికల సుడిగుండంలో.చాలా జీవితాలు చిక్కుకుపోతాయిరా...
నిగ్రహం కలిగినవాడే సంపదకి రాజవుతాడురా...

డబ్బు వేగాన్ని ఇష్టపడుతుందిరా సంపద సమయాన్ని ప్రేమిస్తుందిరా...
అర్థమైతే జీవితమే వెలుగురా అర్థం కాకపోతే జీవితమంతా చీకటేరా...
భయమే డబ్బుని దాచేస్తుందిరా జ్ఞానమే దాన్ని పెంచుతుందిరా...
ఆదాయం పెరిగిందని సంపద పెరిగినట్లు అనుకోకురా...
సంపాదించిన దాన్నే సంపదగా మార్చుకోరా...
డబ్బు శబ్దం చేస్తుందిరా సంపద నిశ్శబ్దంగా పెరుగుతుందిరా...

ఈరోజు మెరిసే వస్తువు.రేపటికి మాయమవుతుందిరా...
సరైన నిర్ణయమే సంపద దారిని చూపుతుందిరా...
రూపాయి విలువ తెలుసుకున్నవాడే... వేల బాటను సాగి...
లక్షల చెంతకు చేరుతాడురా అదృష్టం తలుపు తట్టొచ్చురా...
కానీ నిత్యం తోడుండదురా మంచి అలవాట్లు ఉన్నవారి చెంతనే...
సంపద శాశ్వతమవుతుందిరా అలల వలె డబ్బు వస్తూ పోతుందిరా...
విలువ తెలిసిన చేతుల్లోనే సంపదగా మారుతుందిరా...

డబ్బు కేవలం సాధనమేరా... దాన్ని నడిపేది నీ ఆలోచనేరా...
డబ్బు అందరినీ పిలుస్తుందిరా సంపద కొందరినే చేరుతుందిరా...
కోరిక ప్రతిరోజూ కొత్త రూపం దాల్చుతుందిరా...
నిశ్చలమైన మనసే సంపద వైపు నడుస్తుందిరా...!!!