ఐకమత్యమే ఐరావతం
ఐకమత్యమే ఐరావతం
అది నీ గొడవో
నా గోడవో కాదు
మనందరిది!
నన్ను అనలేదు కదా
నాకేందుకు అనే నిర్లక్ష్యం
అనాక్యత అనే బలహీనతే
వాడి బలం అవుతుందని గ్రహించావా ?
చూసింది చెప్పటానికి
వెయ్యి ఏనుగుల ధైర్యం కావాలిప్పుడు
కాకి కౌగిలింతను తట్టుకోవడానికి
అధర్మం ఆగడాల అసలు రూపం చూపేందుకు
లక్ష జ్యోతుల వెలుగు తేవాలిప్పుడు !
నువ్వా నేనా అనుకుంటే
ఏవరో లబ్ది పొందుతున్నారు
మనం అనుకోని చూడు
మనలో ఒకరు తప్పక గెలుస్తాడు!
చీల్చుకుంటూ పోతే చివరికి
చితి పేర్చడానికి సెంటు భూమి మిగలదు!!
-జ్యోతి మువ్వల
8/11/22