ఆఖరి మాట

ప౹౹

ఆఖరి ఉత్తరం రాస్తున్నా అర్థం చేసుకో

లేఖరిగా గుర్తించి ఉత్తరాన్ని దాచేసుకో ౹2౹

చ౹౹

కోరి చెపుతున్నా కోపించకు ఓ కోమలి

పురి విప్పి నర్తించే ఆ మరులు నెమలి ౹2౹

సన్నని సరసం మదిలో అంకురించెనే

మొన్ననే తలచి తనువే పులకరించెనే ౹ప౹

చ౹౹

అరుణిమ అద్దిన మోము చూసేందుకు 

తరుణమొకటి తారసపడే రాసేందుకు ౹2౹

కుశలమేగా కోయిల రాగాలే విన్నాకను

లేశమైనా సంశయం లేదుగా కన్నాకను ౹ప౹

చ౹౹

ఎన్నడో విరిసినా వలపు కుసుమం ఇది

మరెన్నడు కాబోదే గగనకుసుమం అది ౹2౹

అందుకొన్నాక ఈ ఉత్తరం ఆనందించనే

అందుకోను రావా వలపు అందించగానే ౹ప౹