அமெரிக்கப் பயணத் தொடர்-நான்கு

லண்டன் டு நியூயார்க்!

விமானம் (ப்ரிட்டிஷ் ஏர்வேஸ்) லண்டனிலிருந்து நியூயார்க் நோக்கி புறப்பட்டது. விமானத்தில், சன்னலோரமாக இல்லாமல், ஓர் ஓர இருக்கையும், ஒரு நடு இருக்கையும் எங்களுக்காக ஒதுக்கப் பட்டிருந்தது, என் மனைவிக்கு மிகுந்த மகிழ்ச்சி!!

‘Would U like to sit comfortably in the window seat?’ என்று எங்கள் வரிசையில் சன்னலோர இருக்கையில் இருந்த ஒரு அமெரிக்க இளைஞன் வேண்டுகோள் விடுத்தால் இப்போது என் மனைவி என்ன செய்வாள் என்று எனக்குள் ஒரு கற்பனையை ஓட்டிப் பார்த்தேன். சூடு கண்ட பூனை அல்லவா! நிச்சயமாக, ‘ஹு..ம்ம்ம்..அஸ்கு புஸ்கு‘ என்று சொல்லாத குறையாக, ‘No thanks please – I’m very comfortable here’ என்று சொல்லி விட்டு முகத்தை திருப்பிக் கொள்வாள் என்று நினைத்துப் பார்த்து நானே புன்னகை பூத்துக் கொண்டேன்.

பெரும்பாலான நேரம் தூக்கத்திலேயே கழிந்ததால், இந்தப் பயணத்தில் குறிப்பிடும் படி சுவாரஸ்யமாக ஏதும் இல்லை.

(அப்படியானால்… நீ இவ்வளவு நேரம் சொன்னதெல்லாம் சுவாரஸ்யமாக இருந்ததாக நினைப்பா – என்று நீங்கள் என்னை நோக்கி கோபமாக வருவதாகத் தெரிகிறது! சாரி பாஸ்.. வாங்க பயணத்தை தொடருவோம்!)

அடைந்தோம் நியூயார்க்!

Advertisement