உயிர்க் காதல்

ஓடி வந்து கால்களை

கட்டிக் கொள்ளும்

வெண் நுரை அலைகளென

முட்டி மோதும் நினைவுகள்

உள்ளக் கடலினுள்

பொங்கிப் பொங்கியே

வழிந்தோட -

நினைவுகள் கனவுகளாய்

கண்களின் வழியேயும்

நாணம் கலந்த

குறுநகையாக இதழோரமும்

எட்டிப் பார்த்து இழையோட

கண்ணில் விதையாய் விழுந்து

உள்ளமதில் விருட்சமாய்

விரிந்து பரந்தே கிடக்கும்

காதல் - என்றென்றும்

உயிர்ப்புடன் வைத்திருக்கும்

மண்ணில் வாழ்வு தனையே !