பிரிவு

உடைந்த

இரு ஐஸ் துண்டுகள்

மெல்லத் திரும்பிவிட்டன

தம் பூர்வீக வெளிகளுக்கு

அறியக்கூடும்

இந்த ஆகாயமோ

இந்தக் காற்றோ

இந்தக் கடலோ

உடைந்த இரு ஐஸ் துண்டுகளின்

ஏகாந்தமான தொடுதல்களை

நாமிருந்தோம்

அவல சாட்சிகளாய்

ஒரு ஐஸ்கட்டியின்

நுண்ணிய முறிவுகளுக்கு

ஒரே கோப்பையில்

அருகருகே மிதக்க வேண்டியிருக்கும்

அதன் நிர்பந்தங்களுக்கு

பாதி மூழ்கி

பாதி எழும்

மீள முடியாத

அதன் விதிகளுக்கு

எப்படி நெருங்கி வந்தாலும்

ஒட்ட இயலாத

அதன் உடல்களுக்கு

நம் சில்லிட்ட கைகளோடு