மாற்றத்தை விதைப்போம்

பெற்றோர் உற்றார் கைவிட 

நண்பர்களும் கிண்டல் கேலி செய்ய 

சமூகத்தின் பார்வையும் மாறிப் போக 

இழிவான சொற்கள் பல கேட்டு 

தவறிழைத்தது போல் கூனிக் குறுகி 

தன் விதி நொந்து சாகத் துணியும் 

திரு நங்கையும் நம்பியும் பலர் இருக்க  

தனக்கான அங்கீகாரம் முழுதாய் வேண்டி நிற்கும் 

அவர்களையும் ஓர் உயிராய் பார்க்கலாமே...

அன்பு கொண்ட நெஞ்சில் பாகுபாடு ஏதுமில்லையெனில் 

வெறுத்து ஒதுக்குவதும் ஏனோ ? 

பட்டப்பெயர் பல வைக்காது 

அவர்களை காணும் கண்ணோட்டத்தை மாற்றி 

அவர்களும் மனிதர்கள் தான் என்பதை உணர்ந்து 

அவர்களது உடலை வருத்தாது உள்ளத்தை நோகடிக்காது

புது மாற்றத்தை விதைப்போம்....!!!