நூலகம்
சுயவிவரம்
ஏக்கம்
ஏக்கம்
1 min
437
ஏழை கூரையைப் பிய்த்துக்கொண்டு பணம் கொட்டதா என்று ஏங்குகிறான்
பணக்காரன் படுத்தவுடன் கண்களைத் துயில் தழுவாதா என்று
ஏங்குகிறான்
மாணவன் இப்போது போல் எப்போதும்
பரீட்சை இல்லாமல் பாஸ் போடமாட்டார்களா என்று
ஏங்குகிறான்
காதலன் தன் காதலியை
இரு பெற்றோர் சம்மதத்துடன் கைபிடிக்க
முடிய வேண்டுமே என்று
ஏங்குகிறான்
விவசாயி முப்போகம்
விளைய மாதம் மும்மாரி பொழியுமா என்று
வானத்தைப் பார்த்து
ஏங்குகிறான்
நேர்மையான அரசியல்வாதி மக்கள் சேவை செய்ய வாய்ப்பு
கிடைக்குமா என்று
ஏங்குகிறான்
போலி அரசியல்வாதி
குறுக்கு வழியில் குபேரனாக வழிகள் கிடைக்குமா என்று ஏங்குகிறான்
இவர்களை எல்லாம் பார்த்துக் கொண்டிருக்கும் இறைவன் இதைப்போல் இன்னும் பலரின் ஏக்கங்களை எப்படித் தீர்ப்பேன் என்று ஏளனமாக சிரிக்கிறான்.
