కవిత

కవిత అంటే...

విప్లవ కవిత అయితే ఆవేశంతో పిడికిలి బిగియాలి

విషాదం - మనసులో చెమ్మ తగిలి కన్నుల్లో తడి చేరాలి

ప్రేమ - ప్రేమించి, ప్రేమను పెంచి, పంచాలనిపించాలి

మొత్తానికి...

కనులను తడిపి

గుండెని తడిమి

మనసును కదిలించి

ఉవ్వెత్తున ఎగిసే కెరటంలా...

ఓ భావ ప్రభంజనంలా...

కలలా వచ్చి... కదలికలు నేర్పి...

కలవరపరిచి...కాలంలో కాగితంలా కనుమరుగవక...

అక్షరాలన్ని పదాల అల్లికలుగా మాల కట్టుకోవాలి.

ఆవేశంగా ఆకాశం అందుకోగలగాలి.

ఇంద్రధనుస్సుపై ఊయలూగాలి.

వేల తారకలన్నీ సిరా చుక్కలై వెలుగునివ్వాలి.

మనసులో చెలరేగిన భావాలన్ని విహంగాలై నింగికెగయాలి..