ଇଶ୍ୱର

ଆସିଛି ନୂତନ ରୋଗ ଗ୍ରାସିଛି ବିଶ୍ୱକୁ,

ଖାତିର କରିନି ସିଏ ଜାତି ବା ଧର୍ମକୁ |

ଧନୀ ଗରିବ ପ୍ରଭେଦ ବୁଝେ ନାହିଁ ସିଏ,

ବୟସ ଲିଙ୍ଗ ଭେଦକୁ ପଚାରେ ବା କିଏ ?

ଚାରିଆଡେ ହାହାକାର କୁଢ଼କୁଢ଼ ଶବ,

ମନ୍ଦିର,ମସ୍ ଜିଦ ଆଜି ସବୁଆଡ ବନ୍ଦ |

ଛୁଇଁଲେବି ବ୍ୟାପିଯାଏ ଏମିତି ଏ ରୋଗ,

ଭୟଲାଗେ ବ୍ୟାପିବାରେ ଦେଖି ତାର ବେଗ |

ନିଜ ଘରେ ରହିବା ତା ପାଇଁ ଅନୁଚିତି,

ନିଜଲୋକ ଯିବା ମଧ୍ୟ ମନା ତା କତିକି |

ସାରା ବିଶ୍ୱକୁ ସେ ଆଜି କରେ ହଇଚଇ,

ଏ ସମୟେ ଧନ୍ୟ ତୁମେ ରୋଗୀ ପାଖେ ରହି |

ସେବା କର ଦିନରାତି ଏକ କରିଦେଇ,

ବିପଦରେ ଜୀବନକୁ ବାଜିରେ ଲଗାଇ |

ନିଜ ଘର ନିଜପିଲା ସଂସାରର କଥା,

ସେସବୁ ମନରେ ତୁମ ଦେଉନାହିଁ ବ୍ୟଥା |

ଧନ୍ୟ ଧନ୍ୟ ସେବିକା ଓ ଧନ୍ୟ ହେ ଡାକ୍ତର,

ତୁମକୁ ଜଣାଏ କୋଟି କୋଟି ନମସ୍କାର |

ରୋଗୀ ପାଖେ ରହି ତୁମେ ସେବା ତାର କର,

ସେଥିପାଇଁ ତୁମେ ପରା ଦ୍ୱିତୀୟ ଇଶ୍ୱର |