ହାଏରେ ମୋ' ପାାୱାର୍ ଚଷମା-୧୫
ହାଏରେ ମୋ' ପାାୱାର୍ ଚଷମା-୧୫
ପାନ ବଟୁଆ ମୁଁ ପାଖରେ ଧରି,
ଦୋକାନେ ବସଇ ଚଉକି ମାଡ଼ି,
*ମାଉସ୍-କି ବୋର୍ଡ* ରଗଡ଼େ ଯେତେ,
ପୁଡ଼ିଆ ପଡ଼ଇ ପାଟିରେ ସେତେ।
ନାଲି ମୋର ଓଠ, *'କଲଗେଟ୍'* ଦାନ୍ତ,
ନାଲି ନାଲି ଦିଶେ ବାହାର କାନ୍ଥ,
ପଞ୍ଚ-ଚାଳିଶରେ ହେଲି ପାକୁଆ,
ଜିନ୍ଦାବାଦ୍ ତୁ *ଡିଲକ୍ସ* ପୁଡ଼ିଆ।
*ପାୱାର-କଟିଙ୍ଗି* ତୁହାକୁ ତୁହା,
କାମରେ ମୋହର ଲାଗିଲା ନିଆଁ,
ସୁମରିଲି ମୁଁ *ସ୍ପେସାଲ୍* ପୁଡ଼ିଆ,
ପାଟିରେ ପକାଇ ହେଲି ଛାନିଆ,
ଅଜବ ସେ ସ୍ବାଦ ଗୋଳମାଳିଆ,
ଲାଗେରେ ଭାରି ସେ ଅସମ୍ଭାଳିଆ।
ହାଏରେ ପାୱାର୍ ଚଷମା ମୋର,
କାହିଁ ତୁ ପକାଉ ପଥରେ ଗାର,
ପୁଡ଼ିଆରେ ଦେଲି ସପ୍ରେମେ ଦଳି,
*ଫେବିକଲ୍*କୁ ମୁଁ *ଚୁନ* ଭାବିଲି......
ମୁନ୍ନା ମହାପାତ୍ର, ଗୁଣପୁର