ଅଭୁଲା ଦିନ

କିଏ ଆଣି ଦେବ ମୋତେ ମୋ ପିଲା ଦିନ

   ବିତିଅଛି ଦିନ ହେଲେ ରହିଅଛି ଚିହ୍ନ‌

ଯାହା ପାଇଁ ପଲ୍ଲବିତ ମୋ ଶୁଷ୍କ ଜୀବନ 

   ନବ ଉନ୍ମାଦ ରେ ଭରି କଲା ପରିପୂର୍ଣ୍ଣ 

ବିଦଗ୍ଧ ମାନସ ଶୂନ୍ୟ ଚିତ୍ର ପଟେ 

   ଆଙ୍କି ଦେଇ ସେ ଛବି ତା ନାମକୁ ରଟେ 

ଅଜ୍ଞାନ ତିମିର ନାଶି ନେଲା ଜ୍ଞାନ ବାଟେ 

   ଜ୍ଞାନ ବଳେ ବସିଲି ମୁଁ ଉଚ୍ଚାସନେ ଥାଟେ 

ଇଚ୍ଛା ହୁଏ ଫେରିଯିବି ସେହି ପିଲା ଦିନେ 

   ଭଅଁର ସାଜି ଉଡିବି ବିଦ୍ୟାଳୟ ଉପବନେ 

ସୁସ୍ବରେ ପ୍ରାର୍ଥନା ଗାଇ ପ୍ରଭୁଙ୍କ ସ୍ମରଣେ 

   ପ୍ରଣାମ କରିବି ଯାଇ ଗୁରୁଙ୍କ ଚରଣେ 

ଛାଟ ମାଡ଼ ଭୟେ ପଢା ଯେତେ ପଢା ମୁଁ ସାରିବି

   ପଢା ଶେଷେ ପଡ଼ିଆରେ ଖେଳ ମୁଁ ଖେଳିବି 

ସାଙ୍ଗ ମେଳେ ଖେଳି ଯେବେ ଭୁଲ୍ ମୁଁ କରିବି 

   ଗୁରୁଙ୍କ ଆକଟ କାନ ଟଣାକୁ ଡରିବି

ପ୍ରତିଯୋଗିତା ରେ ଜିଣି ଖୁସି ହେଉଥିବି 

    ବାପା ମାଆ ଗୁରୁଜନ ଆଦର ଲଭିବି 

ହୃଦୟ ଆଜି ବି ଚାହେଁ ସେ ଦିନେ ଫେରିବି

    ସେ ଅଭୁଲା ସ୍ମୃତି ମୁଁ ହୃଦେ ସାଇତିଵି ।