ଶ୍ରେଷ୍ଠ ସାରଥୀ
ଶ୍ରେଷ୍ଠ ସାରଥୀ
1 min
397
ଜୀବନ ସଂଗ୍ରାମେ ମାଆ ମୋ ସାଥୀ
ରଥୀ ଅଟେ ମୁହିଁ ମୋ ମା ସାରଥୀ ।
ରଣ କ୍ଷେତ୍ର ଅଟେ ସଂସାର ଭୂଇଁ
ଅତି ଦୁର୍ଗମ ଅଟେ ଏ ପଥ ଭାଇ ।
ପଥେ ବାଧା ବିଘ୍ନ ଯେତେ ଆସଇ
ଢାଲ ସାଜି ମାଆ ସବୁ ସହଇ ।
ମୋର ପଥେ ଦିଏ ପୁଷ୍ପ ବରଷି
କ୍ଷୁଧା ମେଣ୍ଟାଏ ସେ ସୁଧା ପରଷି ।
ଅତି ସୁକୁମଳ ତାର ହୃଦୟ
ତା ପଣତ ତଳେ ନ ଥାଏ ଭୟ ।
ଯେଉଁ ଦରବେ ମୁଁ ବଳାଏ ମନ
ଯାଦୁକର ପ୍ରାୟେ ଦିଏ ବହନ ।
ମୋ ମନ ରାଇଜେ ଅଟେ ପରୀ
ଆଉକେ ହୋଇବ ତାହାର ସରି ।
କାଳିଆ ଚରଣେ ଏହି ଗୁହାରି
ଆଜୀବନ ସାଥେ ଥାଉ ମା ମୋହରି ।