ଜନ୍ମଦିନ

ତେଜି ମନୁ ଦ୍ୱେଷ ଜଗାଇ ହରଷ

        ଭୁଲି ନୀଚ ଅଭିମାନ

ଭାଇ ଭଉଣୀ ଏ ସାଙ୍ଗ ସାଥି ହୋଇ

        ପାଳିବା ଜନମ ଦିନ

ପାଖେଇ ଆସିଲେ ଜନମ ଦିବସ 

         ନିଇତି ଦେଖେ ସପନ

ନାନା ଉପହାରେ ପୁରିଯିବ ଘର

         ଜଣାଇ ଅଭିନନ୍ଦନ

ବାରମ୍ବାର ଆସୁ ଏହି ଶୁଭ ଦିନ

          ଏହି ଆଶୀର୍ବାଦ ଦେଇ 

ଗୁରୁ ଗୁରୁଜନ ଆଲିଙ୍ଗନ କରି 

          ଆଦରେ ନେବେ କୋଳେଇ

ପାଶ୍ଚାତ୍ୟ ଢଙ୍ଗକୁ ଅନୁସରି ଆମେ

          ଲିଭାଇବା ନାହିଁ ଦୀପ

ଜନମଦିନ ଦିଅଁ ପୂଜି ଆମେ 

          ଜାଳିବା ମଙ୍ଗଳ ଦୀପ

ସାର୍ଥକ ହୋଇବ ଜନମଦିନରେ

          କଲେ ପର ଉପକାର

କରିବେ ଆଶିଷ ବଢିବ ଆୟୁଷ

           ହିତ କରିଥିବୁ ଯା'ର

ବିଭୂ କୃପା ବଳେ ମଣିଷ ଜନମ

          କେତେ କାଳ କିଏ ଜାଣେ

ଏକ ଏକ ବର୍ଷ ହୁଅଇ ବିଗତ

          ପ୍ରତିଟି ଜନମ ଦିନେ

ଏ କଥାକୁ ହେଜି ଶୁଭ କାର୍ଯ୍ୟେ ନିତି

          ରଖିଥିବା ଆମ ମତି

ପରମ ଦୟାଳୁ ଅଟନ୍ତି ଇଶ୍ଵର 

          ନ ଛାଡିବେ ଆମ କତି