ବାଳକେ ମୋର ବୋଲ କର

ସଂଯମତା ଅଟେ ସାଧୁ ଲକ୍ଷଣ 

ଅଯଥା କଥା ଯେ ଦିଏ କଷଣ 

କଚ୍ଛପ ରକ୍ଷଣେ ଦୁଇଟି ହଂସ 

ଅସଫଳ ଶେଷେ କଚ୍ଛପ ନାଶ

ପରିହାସ ଶୁଣି ମୁଖ ଖୋଲିଲା 

ତଳେ ପଡି ଶେଷେ ବିନଷ୍ଟ ହେଲା ... [୧]

ସତ୍ୟ ପାଳନରେ ହୁଏ କଷଣ 

ହେଲେ ହେଁ ସେ ଅଟେ ସାଧୁ ଭୂଷଣ

ନଳ, ହରିଶ୍ଚନ୍ଦ୍ର, ଯୁଧିଷ୍ଠିର ଆବର

ରାମଚନ୍ଦ୍ର ନାମ ସଂସାରେ ସାର

ସତ୍ୟଧର୍ମେ ରହି ହେଲେ ଅମର 

ଜଗତ ପୂଜଇ ତାଙ୍କ ପୟର ... [୨]

କ୍ରୋଧ ଅଟେ ସିନା ଦୁଃଖର ବାପ

ଅଯଥା କଳତ୍ରେ ଭରଇ ପାପ

ଭୟଙ୍କର ଶତ୍ରୁ ଅଟଇ କ୍ରୋଧ

ମନୁଷ୍ୟକୁ ଶେଷେ କରଇ ବଧ

କ୍ରୋଧ ଆଚରି ଯହିଁ ତପି ନ ତରେ 

ସାଧାରଣେ ଜନେ କିଏ ପଚାରେ 

ଅମ୍ବରିସେ କ୍ରୋଧ କରି ଦୁର୍ବାସା

ଭୋଗିଲେ ଶେଷରେ ଘୋର ଦୁର୍ଦ୍ଦଶା 

ତେଣୁ ବାଳକେ ମୋ ବୋଲ କର 

ସ୍ଥିର ଚିତ୍ତରେ କ୍ରୋଧ ପରିହାର ... [୩] 

ସତ୍ୟ ସଂଯମେ ଅରଜିବ ଧର୍ମ 

ଅନ୍ତେ ସଫଳ ହେବ ତୁମ କର୍ମ ।