ତସଲିମା
ତସଲିମା
ତସ୍ ଲିମା ତସ୍ ଲିମା
ଛୁଇଁଥିଲା ଯାର ଉନ୍ନତ ଶିର
ବାଂଲା ଆକାଶ ସୀମା
ହେଲେ
ବିସ୍ମିତ ଆଜି ହେବାକୁ ପଡୁ଼ଛି
ଉନ୍ନତ ସେଇ ଶିର
କିମ୍ପାଇଁ ନତ କିହାପାଇଁ ନତ
କୁହ ମୋତେ ସେଇଗୀର
ମୃତ୍ଯୁ ଯେଉଁଠି ଅଞ୍ଜଳି ପାତି
ମାଗଇ ଜୀବନ ଭିକ୍ଷା
ଜୀବନ ସେଇଠି ନିଷ୍ପ୍ରଭ କିଆଁ
ମୃତ୍ୟୁର ନିଏ ଦୀକ୍ଷା
ତସ୍ ଲିମା ତସ୍ ଲିମା
ମାନିନିଅନାହିଁ ଜହ୍ଲାଦର ଏ
କ୍ରୂର ନିର୍ଦ୍ଦେଶନାମା
ତୁମ ସାଥେଅଛି ଧର୍ମଦେବତା
ଆଉବା କାହାକୁ ଭୟ
ମସୀଗାରେ ତୁମେ ବାଂଲା ବାସୀଙ୍କ
ହୃଦୟ କରିଛ ଜୟ
ତସ୍ ଲିମା ତସ୍ ଲିମା
ବାଂଲା ମାଟିର ଗଉରବ ତୁମେ
ଭୟକର ନାହିଁ ଜମା
ତସ୍ ଲିମା ତସ୍ ଲିମା