ଚାଲ୍ ଆମେ..!

ଚାଲ୍ ଆମେ ଉଡିଯିବା

ଚାରି ଡେଣା ଝାଡ଼ି

ଗଗନେ ଗଗନେ

ଘର ଚଟିଆ ହୋଇ 

ସ୍ଵର୍ଗ ସୁଖ ଆଡ଼କୁ

ଚାଲ୍ ଆମେ ଖାପଖୁଆଇବା

ଅନ୍ତସନ୍ତ ସହରର

ଦିମ୍ ଦିମ୍ ଆଲୋକରେ 

କୀଟ ପତଙ୍ଗ ପରି

ବାଟବଣା ହେଉଥିବା

ଚାଲ୍ ଆମେ ପିଇଯିବା

ଯାତନାର ଲୁହ 

ଓଠରେ ଓଠରେ

ଭିନ୍ନ ଭିନ୍ନ ତୃଷ୍ଣା ମେଣ୍ଟାଇ

ଜୀବନରେ ତୃପ୍ତି ଆଣିବା

ଚାଲ୍ ଆମେ ଲମ୍ବିଯିବା

ଏକୂଳରୁ ସେ କୂଳକୁ

ରାଗ-ରୁଷା ଭୁଲି

ଯୋଡ଼ିଦେବା ସମ୍ପର୍କର ବାଟ

ପ୍ରେମପାଦ ଚାଲୁଥିବ ସେଠି

ଚାଲ୍ ଆମେ ବଢି଼ଯିବା

ଆକାଶ ଦେଶକୁ 

ଅଳପ ଦୂରକୁ 

ରଙ୍ଗିନ ଫୁଲ ଗଛ ହୋଇ

ପୁନଶ୍ଚ ବୀଜରୁ ଗଛ ହୋଇ

ଚାଲ୍ ଆମେ ଫେରିଯିବା 

ପ୍ରେମ ଦୁନିଆକୁ

ସପନର ଉପଗ୍ରହକୁ 

ନାୟକ-ନାୟିକା ହୋଇ 

ଅର୍ଧ ଗଳ୍ପର ପୂର୍ଣ୍ଣ କଥା ସାଜି