କନ୍ୟାଦାନ

ସଭିଏଁ କହନ୍ତି କନ୍ୟାଦାନ ମହାପୂଣ୍ୟ

     କରି କନ୍ୟାଦାନ ଅରଜୁଛ ପୁଣ୍ୟ

          ବାପା ତୁମେ ଧନ୍ୟ l

ଅନ୍ତର ଫେଡ଼ିଣ ଦେଖ ତୁହି

   ବଚନେ ନ ହୁଏ କହି

    ବାପାର ବେଦନା ଏହି l

ଲହୁ,ଲୁହ ନିଗାଡ଼ି ଗଢିଛି 

ସଂଯୋଗି ଅନେକ କର୍ମ କରିଛି

   ମୁଖେ ହସ ଫୁଟାଇଛି l

ଯାହା ଡାକରେ ଘର ପୁରିଉଠେ

 ଦେଖିବା ପାଇଁକି ଚାହିଁବି ବାଟ

   ରତ୍ନମଧ୍ୟେ ସେ ଶ୍ରେଷ୍ଠ l

କ୍ଷଣକେ ସାଜିଲା ସେ ପରଧନ

   ଥିଲା ଦିନେ ଯିଏ ପରାଣ

     ଅନ୍ଧାରେ ଆଲୁଅ ସମାନ l

ଝିଅ ଯେ ବୁଝଇ ବେଦନା

  ଗ୍ରାସିଲେ ଦୁଃଖ ପିତାର ମନ

    କରଦେଲି ତାକୁ ଦାନ l

ହୃଦୟ ମୋର ହୁଏ ଜର୍ଜରିତ

   ମନେ ପଡିବ ସେ ନିତି

  ଝରାଏ ଲୁହ ଲୁଚି ଲୁଚି l