ଓଡିଶାର ଚାନ୍ଦ: ଦୂତୀ ଚାନ୍ଦ
ଓଡିଶାର ଚାନ୍ଦ: ଦୂତୀ ଚାନ୍ଦ
ଐତିହ୍ୟ ସମ୍ପର୍ଣ୍ଣ କଳିଂଗ ଭୂମିରେ ଖାରବେଳର ଦାୟାଦ
କୋଣାରକ ଯିଏ ହେଳେ ଗଢିପାରେ ତାକୁ କିବା ବିସମ୍ବାଦ !
ଦୃଢ ଇଛାଶକ୍ତି କି ନକରି ପାରେ ନାରୀ ନୁହଇଁ ଦୁର୍ବଳା
ଶ୍ରଦ୍ଧାଂଜଳି ଅନୁରାଧା ରଚିତା କିଏ କହିବ ଅବଳା !
ଯାଜପୁର ଠାରୁ ଜାକର୍ତା ଯାତ୍ରାରେ ଦୁଇଟି ପଦକ ଆଣି
ଓଡିଶାର ଚାନ୍ଦ ଏସୀୟ କ୍ରୀଡାରେ ଦେଲେଟି ତାହା ପ୍ରମାଣି ।
ଅନାଟନ ତବ ପଥ ରୋକିନାହିଁ ଇଛା ଶକ୍ତି ହେଲା ସାହା
କେହି ନବାହାରୁ ଉଦ୍ୟମୀକୁ ସାହା ସଦା ଥାନ୍ତି ଚଉବାହା ।
ଓଡିଆ ଝିଅଙ୍କ ଆଦରଶ ତୁମେ କେତେ ଝିଅ ବାହାରିବେ
ଦୁତୀୟରେ ଦୂତୀ ଚାନ୍ଦ ହେବାପାଇଁ ଲଢେଇ ଜାରି ରଖିବେ ।
ଓଡିଶା ବାସୀଙ୍କ ଆଖି ଖୋଲି ତୁମେ ପାଲଟିଛ ଆଦରଶ
ଚାରିଆଡେ ଶୁଭେ ଧନ୍ୟ ସୁନାଝିଅ ହୁରି ପଡେ ପଉରୁଷ ।
ଆଗକୁ ଆସିବ ଅଲିଂପିକ କ୍ରୀଡା ସମର୍ଥକ ବହୁ ଥିବେ
ଚାଲିବ ଚାଲିବ ନପଡିବ ଥକି ଦୂତୀ କି ଦୁତୀୟ ହେବେ !!