ପଳାସ

  ପୁରା ଭାରତ ବର୍ଷେ ଚର୍ଚ୍ଚା 

           ତୋ ରୂପ ଅରୁଣିମା

   ତୁ ଅଟୁ ଚୈତ୍ରର କୁସୁମ 

           ପଳାସ ରାଜଜେମା ।

   

   ପତ୍ରହୀନ ବୃକ୍ଷେ

           ରକ୍ତିମ ପୁଷ୍ପେ ଭରା

   ସୁଦୂରୁ ଦିଶୁ ଥାଏ

           ବହ୍ନି ରୂପ ଏହି ଧରା ।

   ଆକାରରେ ଦିଶେ 

           ଶୁଆ ଥଣ୍ଟ ପ୍ରାୟ ଏହା

   ତେଣୁ ବୋଲାଇ ଥାଉ 

           ବକ୍ର ପୁଷ୍ପ ଆହା ।

   ସୁନ୍ଦର ରୂପର ଅଧିକାରିଣୀ 

            କିନ୍ତୁ ଗନ୍ଧହୀନ

   ଏଥି ନିମନ୍ତେ ଡାକନ୍ତି

           ନିର୍ଗନ୍ଧା ନାମେ ଜନ ।

   ନାଲି ଦାଉଦାଉ ହୋଇ ଝଲସି ଥାଉ

                 ସୁଦୂର ପ୍ରାନ୍ତରୁ

   ତେଣୁ ରକ୍ତ ପୁଷ୍ପ ନାମେ ବର୍ଣ୍ଣିତ

             ଜ୍ଞାତ ହେଲା ପୁରାଣରୁ ।

   ଔଷଧୀୟ ଗୁଣେ ଭରପୁର 

          ତୁହି ଅଟୁ ଅତି ଦରକାରୀ 

   ପ୍ରତିଟି ଅଂଶ ପଳାସର

         ସଭିଙ୍କ ପାଇଁ ବହୁ ଉପକାରୀ ।

   ବର୍ଷକରେ ଥରେ ଆଗମନ କରୁ 

                 ତୁହିରେ ପଳାସ

   ସୁନ୍ଦର ବର୍ଣ୍ଣ ତୋର ସଭିଙ୍କ ମନେ 

                 ଭରୁ ଉଲ୍ଲାସ ।

   ସୌନ୍ଦର୍ଯ୍ୟ ଓ ଗୁଣେ କେହି ନୁହେଁ

                 ତୋ ସମତୁଲ

   ପଡୋଶୀ ରାଜ୍ୟ ପ୍ରାନ୍ତେ ବୋଲାଉ 

                ତୁହି ରାଜ୍ୟ ଫୁଲ ।