भारतीय

सर्व जातीच्या लोकांना मान सन्मान आहे

मी भारतीय असल्याचा अभिमान आहे

जगात एक देश जेथे नांदती विविध लोकं

असा हा माझा भारत देश महान आहे

हिंदू असो वा मुस्लिम शीख असो वा इसाई

प्रत्येकांना आपापल्या संस्कृतीचा मान आहे

सर्वांचे सण व उत्सव उत्साहात होतात साजरे

शुभेच्छा देतां-घेताना एकमेकांवर प्राण आहे

देशातील एकता संपविण्या झाले अनेक हल्ले

तरी ही सर्व जनता एकमेकांत ठेवून जान आहे