Library
भिल्लणीचीं फळें कैशीं
भिल्लणीचीं फळें कैशीं
1 min
7.5K
भिल्लणीचीं फळें कैशीं ।
चाखोनी वाहातसे देवासी ॥१॥
भावें तिचीं अंगिकारी ।
सर्वाहुनी कृपा करी ॥२॥
गुज वान्नरांसी पुसावें ।
राक्षसांतें हो जिंकावें ॥३॥
वान्नर अवघे भुभुःकार ।
बोलताती रामासमोर ॥४॥
आज्ञा करावी आम्हासी ।
रावण आणितों तुम्हापासीं ॥५॥
तुझ्या नामच्या प्रतापें ।
हनुमंत गेला जी संतापें ॥६॥
सीताशुद्धी करुनी आला ।
दासी जनीस आनंद झाला ॥७॥
