महापूर (अभंग)
महापूर (अभंग)
वाऱ्याचा तांडव। धुडगूस धारा ।
पावसाचा मारा । भुईवर ।।
पावसाची गती । धो धो कोसळला ।
जीव धास्तावला । पावसाने ।।
मेघांचा संताप । कोपला वेगाने ।
श्र्वासाचे जगणे ।अंताआधी ।।
पुराचा थैमान । दाटले काहूर ।
आक्रोश चित्कार । पुरामध्ये ।।
उघडे संसार । लुप्त घरदार ।
जगण्याचा घोर । उद्या साठी ।।
रक्षणाची बोट । मदतीचा हात ।
तिने केला घात । जगण्याचा ।।
झोपेतच मेले । पुरासंगे गेले ।
अनर्थ जाहले । पाणी पाणी ।।
देव अंध झाला । कसा घात केला ।
जीवावर घाला । निसर्गाचा ।।