देवा तुझे गुपित
देवा तुझे गुपित
असा कसा देवा तुझा नियतीचा खेळ कसा लागे ना त्याचा कुठेच ताळमेळ
आयुष्याची ज्याला आली उभारी तोच गाठतो वयाची शंभरी
जगण्याची असे जयाला आस त्याची कटते चाळिशीतच पास
घरदार पाहते ज्याच्या मरणाची वाट तोच अडवतो पाच दहा वर्षे खाट
चिल्ल्या पिल्ल्यांचे जिच्या वाटेकडे डोळे तू तिच्या आयुष्याचे करतो वाटोळे
ज्याला असे जगण्यात गोडी त्याला आयुष्याची शिदोरी थोडी
घासापरत लागे औषधीची गोळी परी त्याची येते नव्वदी जवळी
आरोग्याचा ज्याच्या वाटे सर्वाना हेवा त्याच्यासाठी आहे यमाचा सांगावा
एकलकोंडी पिंजतात अंधार कोठडीत वर्षे वर्षें त्यांच्याकडे पाहत नाहीस
ज्याच्या आसपास माणसांचा घोळका त्याचा संसार करतो मोडका तोडका
हेच तर आहे देवा तुझ गुपित तुझ्या मनातल ठेवतो कुपीत
माणसाची जात हे सर्व सहन करते नशिबाचा खेळ समजुन खेळत सुटते