शिक्षक ज्ञानाचा झरा

गुरू वंदनीय।। गुरू कल्पतरू।।

गुरू वाटसरू।। जीवनाचा।।१।।

गुरू दाखवितो।। मार्ग सुखकर।।

महिमा अपार।। असे सदा।।२।।

पवित्र विचार।। जीवनाचे सारं।।

करती उद्धार।। गुरूवर्य।।३।।

माय बाप असे।। गुरू ते प्रथम।।

मुखी असे नाम।। जन्मभर।।४।।

शिक्षक रूपाने।। गुरू ते मिळाले।।

उपकार झाले।। आम्हावरी।।५।।

शि- शिस्त प्रिय तो।।क्ष-क्षमा हा गुण।।

क- कर्तुत्ववान।। शिक्षक तो।।६।।

करू गुणगान।। करूया सन्मान।।

असती विद्वान।। गुरूजन।।७।।

गुरू असे ज्ञान।। ज्ञानाचा आरंभ।।

असे दीपस्तंभ।। जीवनाचे।।८।।