जिव्हाळा

हल्ली होतच नाही 

प्रेमाचे संवाद कुटुंबात

सगळेच व्यस्त आहेत 

आपाआपल्या कामात

एकत्र कुटुंबात होता 

प्रेम आणि जिव्हाळा

एकमेकांचा राहत असे

एकमेकांशी खूप लळा

आजी आजोबांचे पूर्वी

मिळत होते माया ममता

छान छान गाणे गोष्टी 

ऐकत असे झोपता झोपता

विभक्त होता कुटुंब 

संपला त्यांचा जिव्हाळा

आपल्याच कोशात 

त्यांचा जीव गुरफटला 

लेकरांना मिळेनाशी झालं 

घरातल्या वाडवडिलांचे प्रेम

आई-बाबांना मिळेना वेळ

मुलं व्यस्त खेळण्यात गेम

सत्ता संपत्ती धन दौलत हे

मिळविता येतात कधी ही

कुटुंबात संपलेला जिव्हाळा

उभ्या जन्मात मिळणार नाही