ಜೈ ಕರ್ನಾಟಕ
ಜೈ ಕರ್ನಾಟಕ
ಕನ್ನಡ ಅಂದರೆ ಕುಣಿದಾಡುವ ಮನಸ್ಸು
ಕನ್ನಡ ಪದದಲಿ ಅರವಿನ ಸೊಗಸು
ಕನ್ನಡ ತಾಯಿಯ ಮಕ್ಕಳ ಮೆರೆಯಿಸು
ಎಲ್ಲರೂ ನನ್ನವರೆಂಬ ಭಾವದಿ ಇರಿಸು
ಗಂಧದ ನಾಡಲಿ ಚೆಂದದ ಬೀಡಲಿ
ಚಾಮುಂಡಿಯ ರಕ್ಷಣೆಯ ಅಭಯದಲಿ
ಕಾವೇರಿ ತಾಯಿಯ ಸಿಹಿಜೇನಿನ ಹಾಲಲಿ
ಕನ್ನಡ ಮಾತೆಯ ಅಪ್ಪುಗೆಯ ಮಡಿಲಲಿ
ಸಾರ್ಥಕ ಬದುಕು ಹುಟ್ಟಿದ ಜೀವಕೆ
ಶಾಂತಿ ಸಹನೆಯ ಭಾವೈಕ್ಯತೆ ಸಾರಕೆ
ಬಾರಿಸು ಕನ್ನಡ ಗಂಟೆಯ ನಾದಕೆ
ಮೊಳಗಲಿ ಜೈಭೇರಿ ದಶ ದಿಕ್ಕಿನಡೆಗೆ
ನಮ್ಮಯ ಕನ್ನಡ ಪ್ರೀತಿ ನೀರತವಿರಲಿ
ಹೃದಯ ಮಿಡಿತದಿ ಒಂದಾಗಿ ಬೆರೆಯಲಿ
ಅಂದರೆ ಬರೆದರೆ ಸಾಲದು ಕವಿಗಳಲಿ
ನಮ್ಮಯ ಕಾಯಕ ಬಡೆದೆಚ್ಚರಿಸುತಲಿ
ಭಾರತ ಮಾತೆಯ ಹೆಮ್ಮೆಯ ಮಕ್ಕಳು
ಕರ್ನಾಟಕ ಮಾತೆಯ ಪ್ರೀತಿಯ ಕಂದಗಳು
ಜ್ಞಾನಪೀಠ ಪಡೆದ ಅಷ್ಟ ಧೀರ ಮಣಿಗಳು
ಭಾರತ ರತ್ನ ಹೊಂದಿದ ವೀರ ಕಲಿಗಳು
ಭಾರತ ಪತಾಕೆಯ ನೇಯುವ ನೆಲವಿದು
ಧೀರ ವನಿತೆಯರ ರಕ್ಷಣೆಯ ತಾಣವಿದು
ಕೃಷ್ಣದೇವರಾಯ ವೈಭೋಗದ ರಾಜ್ಯವಿದು
ದಕ್ಷಿಣ ಭಾರತಕರ್ಮ ಧರ್ಮ ಭೂಮಿಯಿದು
ಸಹೋದರತೆ ಕಾಣುವ ಪರಭಾಷಿಗರ
ನೆಲೆಯನು ಕೊಟ್ಟಿದೆ ಬಂದವರಾ
ಕರುಣದಿ ನೋಡುವ ಕಣ್ಣುಗಳ
ತಡವಿದರೆ ಕಾರುವ ಕೆಂಗಣ್ಣುಗಳ
ಜೀವಕೆ ಉಸಿರಾಗಲಿ ಡಿಂ ಡಿಂ ಕನ್ನಡವಾ
ಶಾಂತಿ ಮಂತ್ರ ಜಪಿಸೋಣ ಅನುದಿನವಾ
ಉಳಿಸುತ ಬೆಳಿಸುತ ಕರ್ನಾಟಕವ
ಚಾಚೋಣ ಸ್ನೇಹದಿ ಭಾರತ ಹಸ್ತವಾ