પ્રેમનું પંચામૃત
પ્રેમનું પંચામૃત
આપણા બંનેનો જીવનભરનો સાથ જિંદગીનું અમૃત છે
આપણું પાનખરના તરફનું પ્રયાણ, પ્રેમનું પંચામૃત છે
આધી, વ્યાધી અને ઉપાધિની ભલે હોય આપણી ઉંમર
નીતરતી જતી વાસના વચ્ચે આપણો પાકટ પ્રેમ સારભૂત છે
મા-બાપની કાળજી અને બાળકોનો સરસ ઉછેર થકી મન પુલકીત છે
પાછા વળીને જોઈએ તો સારા જીવન માટેનું સંતોષભર્યું સ્મિત છે
આધી, વ્યાધી અને ઉપાધિ ની ઉમર તો લાગુ પડે છે સહુને
‘આખરે તો આપણે બે’ એ જ જીવનની સચ્ચાઈ ગર્ભિત છે
જિંદગીના અસ્તાચલ તલે નિખરી અલૌકિક પ્રીત છે
‘બે ઓછા એક બરાબર એક નહીં’, પણ શૂન્ય એવું થાય પ્રતીત છે
આધી, વ્યાધી અને ઉપાધિ ની આ ઉમરે સતાવે છે એક બીક
સાથ છૂટી જશે તો શું થાશે ? એ ખ્યાલ કરે ભયભીત છે