ઝાકળ ભીનું નગર
ઝાકળ ભીનું નગર
ઝાકળે ભીનું થયું આખું નગર.
નીતરી આજે ગયું આખું નગર.
છાંટતું ભીનાશ સઘળે જો ઘણું,
એક ઝરણું થૈ સર્યું આખું નગર.
છે સુગંધિત આજ તો મોસમ વગર.
પૂમડે મ્હોરી વળ્યું આખું નગર.
કોણ જાણે કોણ લાવ્યું છે વળી,
એ પ્રકાશે તો ટક્યું આખું નગર.
લાવ જો તું આછુ અજવાળું અહીં,
મેં સજાવ્યાં જો કર્યું આખું નગર.
લાગણીઓ પણ ગજબની છે મળી,
રાત થૈ પડખા ફર્યું આખું નગર.
આવવાનાં વાયદા છે એટલે,
મેં "ખુશી"થી છે ભર્યું આખું નગર.