નારી
નારી
ના ફક્ત શક્તિ કે દુર્ગાના રૂપમાં દેખો,
ના "પુરુષ સમોવડી" થવાની હોડમાં રાખો,
કપરા સંજોગોને હંફાવ્યા, કદી ના હિમ્મત હારી છે,
દેવોનું સર્જન ધરતી પર, નારી તો કલ્યાણી છે.
મોતની સામે જંગે ચઢીને, નવજીવન નિર્માણ તું કરતી,
મમતાનું વરદાન છે તુજને, સૌનું જતન તું પ્રેમથી કરતી,
ઋણ તારું ચુકવી ના શકાશે, આખી દુનિયા આભારી છે,
કોમળ છે કમજોર ન ગણશો, ના લાચાર બિચારી છે.
માતા, પત્ની, દીકરી, બહેન, અગણિત રૂપે અવતરી,
હર રૂપે ઉત્તમ રહીને, તારી ફરજ પૂરી કરી,
પિંજરાનું પંખી નહિ કદાપિ, ઊંચી આકાશ ઉડનારી છે,
ગર્વથી કહેજે દુનિયાને, તું નારી છે, તું નારી છે.