આહલાદક !
આહલાદક !
ઉછળતા સાગરના ઉત્તંગ આહલાદક !
અંબુથી વહે ઝરણા સંગ આહલાદક !
વનની વનરાજી ખીલે વર્ષા આગમને,
ધેનુ ચરે ઘાસ હરિત રંગ આહલાદક !
સરિતા પરથી અનિલ મધુરો વહેતોને,
રવિ પ્રતિબિંબ શોભે અંગ આહલાદક !
કરીને મીઠો કલરવ વિહંગ જગ જગાડે,
ઉષા આગમન સોહે અનંગ આહલાદક !
દિશા પ્રાચી ઝળહળતી બાલરવિ સંગ,
રવિ અર્ઘ્ય જાણે જલગંગ આહલાદક !
રંગવૈવિધ્ય વ્યોમે સંધ્યા ઝાંઝર રણકે ,
નીડ ભણી વિચરે મુક્તખગ આહલાદક !