ચોટ અણધારી હતી
ચોટ અણધારી હતી
જિંદગાની આમતો પ્યારી હતી,
તે છતાં એ સ્હેજ ચકચારી હતી.
હચમચી ને જોઈ રહયો આંખથી,
આ હૃદયમાં ચોટ અણધારી હતી.
ખુશ કરી શક્યો નહીં મારા સનમ,
ચાહવાની ભૂલ એ મારી હતી.
પૂછી લીધા હાલ દિલનાં આંખથી,
એમની ખુલ્લી જરા બારી હતી.
જ્યોતિ ઝબકી એવી દિલથી ભીતરે,
આજની આ મોજ પરબારી હતી.
જીવી રહ્યો છું રડીને જિંદગી,
એ દશા સામેથી પડકારી હતી.
મોત આવ્યું તો હસી લીધું અમે,
આખરી ક્ષણ એટલી અલગારી હતી.
મૌન રહ્યું આ હૃદય કીધા વગર,
કેટલી 'આભાસ' લાચારી હતી?