ધબકાર છે
ધબકાર છે
જીવન જીવવું એ જ પડકાર છે,
લડી જાય એને નમસ્કાર છે.
જે માનવ કરે છે સમયની કદર,
ખરેખર જીવન એનું સાકાર છે.
મળી જાય માંગ્યા વગર કાંઇપણ,
જીવનમાં થતો એ ચમત્કાર છે.
મળે દર્દ માનવને સરખો અહીં,
દરદનો તો કયાં કોઈ આકાર છે ?
જીવન જીવે જે અન્ય માટે અહીં,
જગતમાં થતો એનો સત્કાર છે.
અને કર્મ સૌ સ્વાર્થ ખાતર કરે,
એ માનવ ઉપર સૌને ધિક્કાર છે.
સદા દર્દમાં પણ જે હસતો રહે,
એ બીજું કો નહિ માત્ર ધબકાર છે.