માતા -પત્ની

જીવનમાં અનમોલ બે વ્યક્તિ,

એક છે માં બીજી પત્ની.

એક શીખવે પ્રેમની ભાષા,

બીજી શીખવે પ્રેમ કરતા.

એક શીખવે દુનિયાદારી,

બીજી શીખવે દુનિયા જીવતા.

આ બંનેની હાજરીથી,

જીવનમાં છે આપણી હસ્તી.

જીવનમાં અનમોલ બે વ્યક્તિ,

એક છે માં બીજી પત્ની.

એકે આપ્યો જનમ આ જગમાં,

બીજીએ આ જનમ સુધાર્યો.

એકે સિંચ્યા ભંડાર ગુણોના,

બીજી એ આ ગુણો ટકાવ્યા.

આ બંનેએ સંસારના દરિયે,

આપણી તરાવી કશ્તી.

જીવનમાં અનમોલ બે વ્યક્તિ,

એક છે માં બીજી પત્ની.

એકના ટેકે શીખ્યા ચાલતા,

બીજીએ સંભાળ્યા પડતા.

એકે લુછ્યા આંસુ બાળપણમાં,

બીજીએ લુછયા ઘડપણમાં.

આ બંનેએ દુઃખના સમયે,

આશાઓ ટકાવી મરતી.

જીવનમાં અનમોલ બે વ્યક્તિ,

એક છે માં બીજી પત્ની.