પ્રકૃતિ તુ હું..
પ્રકૃતિ તુ હું..
એય
તને કહું છું સાંભળને
આ ફાઈલો આ વર્કલોડ ભૂલી
જરા એક નજર
આસપાસ કર ને,
આ બારીમાંથી ડોકાતો ગુલમહોર,
આંગણે આવકારો દેતો લીમડો,
ને સોસાયટીના મેદાનમાં પીપળો ને વડલો,
બાજુવાળા સ્મિતાના બંગલામાં મહેકતા,
ચંપો રાતરાણી જાસુદ મોગરો ને ગુલાબ,
કેવાં મહેંકી તરબતર કરે
તો વ્યાસ અંકલનું તો જાણે આંબાવાડિયું જ હો,
અને તને ખબર છે ?
આપણી જમણી બાજુ મેથ્યૃ ને નેન્સી રહેવા આવ્યા,
અને એણે તો જામફળી ચીકુ બદામ ને સંતરા વાવ્યા,
પેલો ધૂની ઈસ્માઈલ આંબળાને એવું લાવ્યો,
પણ તને ક્યાં ફૂરસદ છે,
આ કુદરત સાથે મિત્રતા કરવાની,
લીમડાની છાયા વડવાઈએ હિંચકા,
આ બધાંનું એક અલગ જ સ્થાન ને મજ્જા,
મૂક થોડીવાર આ કોમ્યુટર ને ફાઈલોની મગજમારી,
ચાલ, આજ પાછળ આસોપાલવની વચ્ચે હિંચકે ઝુલતા,
સ્મરણોની ગલીમાં લટાર મારી,
યાદોને તાજી કરી,
આસપાસ મિત્રતાની મહેંક ફેલાવીએ...
પ્રકૃતિ તુ, હું,ને મિત્રો,
બીજું શું જોઈએ..
કંઈ જ નહીં.