બસ આકાશને આંબી જવું છે!

સહેલા છે વાંચવા પુસ્તકો,

પણ અઘરા છે વાંચવા મન;

મારે તો મન બધાનાં વાંચવા જવું છે,

મારે તો બસ આકાશને આંબી જવું છે !

સહેલી છે શોધવી ખોવાયેલી વસ્તુઓ,

અઘરાં છે શોધવા ખોવાયેલા સ્વપ્ના,

મારે તો એ સ્વપ્નાને શોધવા જવું છે,

મારે તો બસ આકાશને આંબી જવું છે !

સહેલું છે ચાલવું મંદિર - મસ્જિદ સુધી, અઘરું છે ચાલવું આકાશની કેડી પર ;

મારે તો એ આકાશની કેડી પર ચાલવા જવું છે,

મારે તો બસ આકાશને આંબી જવું છે !

સહેલું છે હારવું દિવસ-રાત ચાલતી સ્પર્ધાઓમાં,

અઘરું છે હારવું સંબંધોમાં ;

મારે તો સંબંધોમાં હારવા જવું છે, મારે તો બસ આકાશને આંબી જવું છે !

સહેલું છે કામ ઘણાં કરીને થાકવું,

અઘરું છે વેર-દ્વેષ કરવામાં થાકવું;

મારે તો વેર-દ્વેષ કરવામાં થાકવા જવું છે,

મારે તો બસ આકાશને આંબી જવું છે !