ପ୍ରେମ
ପ୍ରେମ
ପ୍ରତ୍ୟୁଷରୁ ଆରମ୍ଭ ଜୀବନ ଯାତ୍ରାରେ ଟିକିଏ ବି
ସମୟ ନାହିଁ । ଓଃ କ'ଣ ଯେ କରିବି , ମୁଁ ଡାକି
ଚାଲିଛି ହେଲେ ତୂଳୀତଳ୍ପ ସୁପାତି ଛାଡିବାକୁ
ଯେମିତି ବେଳ ହୋଇନି ।
ଏବେ ଅଫିସ ଯିବାକୁ ଏମିତି ତରବର କରିବେ
ଯେ ହାତରୁ ହାଣ୍ଡି ଖସି ପଡିବ ।
ହଇ ହୋ ଶୁଣୁଛ କି ନା....
ଦିନ ଆଠଟା ବାଜିଲାଣି , ତୁମର ନିତ୍ୟ କର୍ମ
ଅଛି କି ନା ।
କ'ଣ ଉଠନୁ ଯେ
ହଁ ଉଠୁଛି
ଏଇ ଶୁଣ ,
ଟିକିଏ ପାଖକୁ ଆସ!
ହଇ ହୋ !
କେମିତି ହେଉଛ ।
ପିଲାମାନେ ବଡ଼ ହେଲେଣି,
ଗୋଟାଏ ପୁଅ ଅଷ୍ଟମରେ ପଢିଲାଣି
ଆଉ ଝିଅ ପଞ୍ଚମରେ ।
ତୁମର ପାଠ ପଢା ସରୁ ନାହିଁ।
ଓଃ ମୋ କାନି ଛାଡ
ଆରେ ତୁମେ ସକାଳୁ ମା କାଳୀ ହେଉଛ ?
ଥରେ ରାଧା ହୋଇ ଯାଅନା ,
ସତ କହୁଚି ଗୋଟେଚୁ ଦେଇ ଦିଅ
ଆଉ କେବେ ମାଗିବିନି ।
ତୁମ ,ସେ ରସିକିଆ କଥା ରଖ ।
ତାହାଲେ ତୁମେ ମୋତେ ଭଲ ପାଅନି ।
ମୁଁ ଭଲ ପାଏନି ?
ଭଲ ପାଇବାକୁ ସମୟ ଥିଲେ ତ ।
ତୁମ ବୋଉ ବାତ ରୋଗରେ ଅସୁସ୍ଥ , ଠାକୁର
ଘରେ ସବୁ ଯୋଗେଇ ଆସିଛି ।
ପିଲାମାନେ ଟିଫିନ୍ ନେଇ ସ୍କୁଲ ଗଲେ ।
ବାରଣ୍ଡକୁ ଦେଖ ବାପା ଚା' ପି ଖବରକାଗଜ
ପଢୁଛନ୍ତି । ଆଉ ତୁମେ ଏଠି ଶୃଙ୍ଗାର ରସ
ପାନ କରିବ ବୋଲି ଅଡ଼ି ବସିଛ ।
ଧନ୍ୟ ତୁମେ ପୁରୁଷ ଜାତିକୁ , ସତରେ ତମେ
ମାନେ ସ୍ଵାର୍ଥପର ।
ହଉ ହେଲା ବାବା ତୁମେ ମୋ କଥାରେ ରାଜି
ହୋଇଯାଅ ।
ହଉ ,ତୁମ ଦୁଷ୍ଟାମୀ ଛଡଉଛି ।
ବାପା ବାପା ଟିକିଏ ଦେଖିଲ ଭୁଆ ବିରାଡି
ମାଛ ଖାଇବ ବୋଲି ଏପଟ ସେପଟ ହେଉଛି ।
ଆରେ ,ମା" ଆସୁଛି ।
ମୋ ଲାଠିଟା କୁଆଡେ ଗଲା ?
ଆରେ ପ୍ରିୟତମା ଏ କ'ଣ କଲ ।
ତାହେଲେ ଉଠି ପଡ ।
ଛାଡ, ମୋ କାନି.....
ସୁନା ପିଲା ପରି ଅଫିସ୍ ଯାଅ ।
ବାପା ଶୁଣୁଛ କି, ଭୁଆ ବିରାଡି ଗଲାଣି
ଆପଣ ବ୍ୟସ୍ତ ହୁଅନ୍ତୁ ନାହିଁ ।
କର୍ମମୟ ଜୀବନ ଭିତରେ କେତେବେଳେ ଯେ
ଅପରାହ୍ନ ଚାରିଟା ବାଜି ଗଲା ,ବୁଝି ହେଲାନି ।
ମନ ତୁରଙ୍ଗର ଗତି ତୀବ୍ରତର ହେଉଛି ।
ସ୍ବାମୀଙ୍କ ଫେରିବା ସମୟ ନିକଟ ହେବାକୁ
ବସିଲାଣି ।ମନରେ ଯେ କେତେ ଉତ୍କଣ୍ଠା କିଏ
କ'ଣ ବୁଝେ କି ପ୍ରକାଶ କରି ହୁଏ ।
ଭଲ ପାଇବା କ'ଣ ?
ଏଇ ଅପେକ୍ଷାର ଯନ୍ତ୍ରଣା ପରିସ୍ଫୁଟ କରି ଦେଉଛି ।
ଭଲ ପାଇବା କାହାର ଦାସତ୍ୱରେ ଆବଦ୍ଧ ନୁହେଁ ।
ପ୍ରତ୍ୟେକ ଜୀବନେ ଜୀବିତ ଏଇ ପ୍ରେମ ସ୍ନେହ,
ବିନମ୍ରତାରେ ହିଁ ତା'ର ସ୍ଥିତି ଅବସ୍ଥିତି ପ୍ରକାଶ
କରି ଥାଏ ।
ମୁକ୍ତାର ଚମକ ଶାମୁକା ଭିତରେ ଶୋଭା ପାଏନା ।
ତା'ର ଉପଯୁକ୍ତ ବ୍ୟବହାରେ ମୂଲ୍ୟର ମୂଲ୍ୟାଙ୍କନ
ହୋଇ ଥାଏ ।
ନିଶ୍ଚଳ ଅଚଳ ଅବସ୍ଥା କିମ୍ବା ପୁସ୍ତକ ଅଧ୍ୟୟନରେ
ଭଲ ପାଇବା ପରି ପ୍ରକାଶ ହୁଏ ନାହିଁ ।
ସେ ଈଶ୍ଵରଙ୍କ ପ୍ରତି ହେଉ କି ମାନବ ଧର୍ମ ପ୍ରତି
ହେଉ ।
ବୁଦ୍ଧି ବିବେକ ଜ୍ଞାନ ଯଦି ଉପଯୁକ୍ତ ସମୟରେ
ତ୍ବରାନ୍ବିତ ନହୁଏ , ତା'ର କୋୖଣସି ଦାମ୍ ନଥାଏ ।
ତେଣୁ ହୃଦୟରେ ଭଲ ପାଇବା ନଥିଲେ ତ
ଏହା ସମ୍ଭବ ପର ନୁହେଁ ।
ମାତ୍ର ଅଧ ଘଣ୍ଟ ବିଳମ୍ବରେ ମୁଁ ଚାରି ଥର ଦାଣ୍ଡ କୁ
ବାରି ହେଉଛି । ତଥାପି ମୋ ସ୍ବାମୀ କହୁଛନ୍ତି
ତୁମେ ମୋତେ ଭଲ ପାଅନି ।
କେମିତି ତାଙ୍କ ମନରେ ଅନୁଭବ ଜାଗ୍ରତ କରାଇବି
ଯେ ମୁଁ ତୁମରି ଭଲ ପାଇବାରେ ରଙ୍ଗାୟିତ ।
ଟୋପାଏ ସିନ୍ଦୂର ଦେଇ ବିଶ୍ଵାସରେ ଏରୁଣ୍ଡି
ଡିଆଁଇ ପରିବାର ସାଙ୍ଗରେ ପରିଚୟ କରାଇ
ଥିଲ । ଆଶାର ଚାବିକାଠି ଟେକି ଦେଇ ଥିଲ ,
ମୋର ଏଇ ଛୋଟ ପିଲାଳିଆ ହାତରେ ...
କର୍ତ୍ତବ୍ୟର ଜଞ୍ଜିର ଭିତରେ ମୋର ଏଇ କୋମଳ
ପ୍ରାଣ ଆବଦ୍ଧ ହୋଇ ଗଲା । ତଥାପି ମୁଁ କେବେ
ମୁହଁ ଖୋଲି କହିନି,ଆଜି ମୁଁ ଥକି ପଡିଛି କି
ମୋତେ କ୍ଲାନ୍ତ ଅନୁଭବ ହେଉଛି ।
ମୋର ଏଇ ନିଃସ୍ଵାର୍ଥପର ଜୀବନରେ କେତେ
ଯେ ଭଲ ପାଇବା ଲୁକ୍କାୟିତ ତାକୁ କ'ଣ
ପରି ପ୍ରକାଶ କରିବାକୁ ପଡ଼ିବ?
କି, ଭଲ ପାଇବା ଦୈହିକ ସୁଖରେ ସୀମିତ ?
ଓଃ , ଆଉ ଭାବି ପାରିବିନି !
ଏତେ ଦିନ ମୋ ସ୍ବାମୀ ,ଭଲ ପାଇବା ଅନ୍ୱେଷଣେ
ଅଛନ୍ତି ।
ଅଫିସରୁ ଆଜି ଆସିଲେ
ଭଲ ପାଇବା କ'ଣ ବୁଝିବେ ।
ନିଜର ମନର ମୋଡକୁ ବଦଳାଇବାକୁ ପଡିବ ।
ଟିଙ୍ଗି ଟିଙ୍ଗି
କଲିଙ୍ଗ୍ ବେଲ ବାଜିଲା ।
ବାବୁ ପଦାର୍ପଣ କଲେ ।
ଆଜି ଆଉ କବାଟ ଖୋଲିବିନି କି କବାଟ କଣରୁ
ଆଶ୍ଳେଷରେ ଆଲିଙ୍ଗିତ ପ୍ରୟୋଜନ ନାହିଁ ।
ଆରେ ମୁନା କବାଟ ଖୋଲି ଦେଲୁ ବାବା ଆସିଲେଣି,
ମୁଁ ଚା' କରୁଛି ।
ଆଜ୍ଞା ମା' ମୁଁ ଖୋଲୁଛି ।
ଆରେ ମୁନା ତୁ କବାଟ ଖୋଲିଲୁ
ମା' କୁଆଡେ ଯାଇଛନ୍ତି କି ?
ମା' -ଘରେ ଚା ' କରୁଛନ୍ତିି ।
ଓଃ
ଏ ମାମୁନି ଶୁଣିଲୁ , ବାବାଙ୍କୁ ଚା' ଦେଇ ଆସେ
ଆଜ୍ଞା ମା
ଆରେ ମାମୁନି ତୁ ଚା' ଆଣିଲୁ
କ'ଣ ମା ଦେହ ଭଲ ନାହିଁ କି ?
ମୁଁ ଜାଣିନି ,
ମୋତେ ଚା' ଦେବା ପାଇଁ କହିଲେ ।
କ'ଣ କରିବେ ପତି ଦେବ , ମୁଁ ଲୟ କରୁ ଥାଏ ।
ଆଳାପ ବାହାନା ଆରମ୍ଭ ହୋଇ ଗଲା ।
ପ୍ରତିଉତ୍ତର ନିରାଶଜନକ ।
ଧୀରେ ଧୀରେ ମୋର ନିରବତା ବଦହଜମୀ
ରୂପ ନେଲା ।
ଆରେ ମୁନା ତୋ ମା'କହିବୁ ପାଣି ନେଇକି
ଆସିବ ।
ଆଜ୍ଞା ବାବା
ହଁ ମୁଁ ଶୁଣି ପାରୁଛି ମୁନାକୁ କହିବା ଦରକାର
ନାହିଁ ।
ପାଣି ଥଣ୍ଡା ଦରକାର କି ଗରମ ?
କହି ଦିଅ , ମୋର କାମ ଅଛି ।
ଆରେ , ମୋ ହାତ ଛାଡ
ନା ଛାଡିବିନି କଣ ହୋଇଛି କୁହ ।
କିଛି ନାଇଁ ତ ।
ତାହାଲେ ଆଜି ଏମିତି ପରିବର୍ତ୍ତନ।
ଆମର ବାହାଘର ପନ୍ଦର ବର୍ଷ ହେଲା ।
ଏମିତି ଦୂରତା , ମୁଁ କେବେ ଦେଖି ନଥିଲି ।
ମୋତେ କାହିଁକି ଅନୁଭବ ହେଉଛି ,
ତୁମେ ଯେମିତି ମୋତେ ଶାସ୍ତି ଦେଉଛ ।
ତୁମର ଚଗଲା ପଣ ସ୍ନେହ ଟିକିଏ ନପାଇଲେ
ମୁଁ ପାଗଳ ହୋଇ ଯିବି ।
ଆଉ କୁହନି , ମୁଁ ବହୁତ ଶୁଣିଛି ।
ମୁଁ ତମକୁ ଭଲ ପାଏନି ।
ତାହାଲେ ମୋ ପାଇଁ ଏତେ ଚିନ୍ତାଶିଳ କାହିଁକି ?
ଓଃ
ସକାଳେ ତୁମକୁ ମଜ୍ଜା କରି କହି ଥିଲି
ତୁମେ ମୋତେ ଭଲ ପାଅନି ।
କଥା ତାହାଲେ ଏଇଠି ।
ହଇ ହୋ ....
ଆଉ କେତେ ଦିନ ସଂସାର କଲେ
ମୋତେ ଜାଣିବ ।
ସ୍ବାମୀ ସ୍ତ୍ରୀ ଉଭୟେ ପରିପୁରକ
ଏକ ବିନା ଅନ୍ୟ ଅଧୁରା ।
ଈଶ୍ଵରଙ୍କର ସନ୍ତାନ ଆମେ , ତାଙ୍କରି ନିର୍ଦ୍ଦେଶରେ
ପରିଚାଳିତ ।
କାମ ବାସନା ମୋହ ମାୟା ଜଡିତ ଏଇ
ରକ୍ତ ମାଂସ ଶରୀରେ କ'ଣ ଅଛି ।
ଯାହା ଅଛି ହୃଦୟରେ
ତୁମେ ଅଛ ଦେଖ ଏଇ ହୃଦୟରେ
ଯେଉଁଠି ଆଉ କାହାର ସ୍ଥାନ ନାହିଁ ।
ତୁମେ ମୋର ଶୀତ ରାତିର ରେଶମୀ
ଶୀତତାପ ନିୟନ୍ତ୍ରଣ ପରିଧାନ ।
ତୁମେ ମୋର ଶ୍ରାବଣ ରୂପୀ ମଧୁ ଝରା ।
ତୁମେ ଚାନ୍ଦିନୀ ରାତିର ମତୁଆଲା ଜ୍ୟୋତ୍ସ୍ନା,
ନିର୍ଜନ ବିଜନ ବେଳାର ଅନ୍ତରଙ୍ଗ ସାଥୀ ।
ଆଉ କ'ଣ କହିବି
ତୁମେ ମୋର ସବୁ କିଛି
ମୋ ହସ କନ୍ଦ ତୁମରି ପାଖରେ ସମାହିତ ।
ଅଭିଯୋଗ ଫେରାଇ ନେଉଛି
ଅଭିମାନ ଛାଡି ଦେଇ ଥରେ ହସି ଦେଲ ।
ହେ , ଛାଡ କ'ଣ କରୁଚ
ହଉ ହେଲା ବାବା
ଆଉ କେବେ କହିବିନି ମୁଁ ଭଲ ପାଏନା ବୋଲି ।
ଆଉ ଥରେ କହିଲେ
ମୁଁ ବଡପଦର ମୋ ଗାଁକୁ ଚାଲି ଯିବି ।
ଏମିତି କୁହନି
ମୁଁ ଏବେ ତୁମକୁ ମୋ ବାହୁ ବନ୍ଧନରେ
ବାନ୍ଧି ରଖିବି
ତୁମେ କୁଆଡେ ଯିବ ......
ଆରେ ମୁନା ଶୁଣିଲୁ
ଆଜ୍ଞା ମା ଆସୁଛି ।
ଛାଡି ଦେଲ କାହିଁକି ?
ଗୋଟେ କଥା ମନେ ରଖିବ
ଭଲ ପାଇବା ଅନୁଭବରେ ଥାଏ
ଲାଇଟ୍ ଲଗେଇ ଖୋଜିଲେ ମିଳେନି ......