Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Rasmita Dixit

Fantasy Romance


2  

Rasmita Dixit

Fantasy Romance


'କ', ଓ 'କା' - ୨

'କ', ଓ 'କା' - ୨

2 mins 488 2 mins 488

--କିଛି ଶୁଣିଲ ? ପଚାରିଲା 'କା' ।


- କଣ ? ଉତ୍ତର ଦେଲା 'କ' ।


- ଏଇ ତମ ଆମ ହୃଦୟର କଥା ।


- ତମେ ଶୁଣିଲ ?

 

- ହୁଁ - - - - କିଛି କିଛି .........।


- କଣ କହିଲା ତମ ହୃଦୟ ? 


- ସିଏ ଅଲଗା କଥା କହୁଥିଲା ।


- ମାନେ ? 


- ଏଇ ଯେମିତି ତା କଥାରେ ମୁଁ ଆଦୌ ନଥିଲି ।


- ଆଉ ତେବେ ?


- ସିଏ ବଦଳି ଯାଇଛି !!


- କିପରି ଜାଣିଲ ? 

 

-  ନୁହେଁ ତ ଆଉ କଣ ?  ସିଏ ଧକ ଧକ କରୁଛି ତୁମ ନାଁ ରେ , ନିଃଶ୍ୱାସ ପ୍ରଶ୍ଵାସ ନେଉଛି ତୁମ ଶବ୍ଦରେ , କଡ଼ ଲେଉଟଉଛି ତୁମ ହସରେ ଆଉ ସବୁଠୁ ବଦମାସ ହେଇଯାଇଛି ତାର ହସ ।


- କେମିତି ? 


- କେତେବେଳେ ତୁମକୁ ମନେ ପକାଇ ହସୁଛି ତ କେତେବେଳେ ସଂସାର ଉଜୁଡି ଗଲାପରି କଇଁ କଇଁ କାନ୍ଦୁଛି । ତା ଯୋଗୁ ମୁଁ କଣ କମ ହଇରାଣ ହେଉଛି ।


 - ଓହୋ - - - ଏମିତି ହେଉଛି ?


- ହଁ ପରା , କାଇଁ ତୁମ ହୃଦୟ କିଛି କହୁନି କି ?

 

- ହଁ , ହଁ କହୁନି କାହିଁକି ? ସିଏ ତମ ନାଁ କୁ ଖୋଦେଇ କରିଦେଇଛି ନିଜ ଉପରେ । ପ୍ରତିଟି ରକ୍ତ ବିନ୍ଦୁରେ କେବଳ ଭଲ ପାଇବାର ବର୍ଷା । ଆଉ ସବୁଠୁ ବଡ଼ କଥା ହେଲା ସେ ମୋତେ ଭୁଲି ଯାଇଛି ।


- ତେବେ ସେ କାହାକୁ ମନେ ରଖିଛି ?


- ବୁଦ୍ଦୁ ! ତୁମକୁ କେବଳ ତୁମକୁ ............


-ଇସସସସ- - - - ଆମ ହୃଦୟ ସବୁ ତାହେଲେ ଆଉ ଆମର ହେଇ ନାହାନ୍ତି ?


- ହଁ , ଯେଉଁଦିନୁ ପ୍ରେମରେ ପଡିଲେ ସେଇଦିନୁ ସେମାନେ ନିଜ କଥା ଭୁଲି ଯାଇଛନ୍ତି ।


- ହେତ - - - - -ମୋର ବୋଲି ଆଉ ରହିଲା କଣ ? 


- କିଛି ନାଇଁ , ଏ ହୃଦୟ ମାନେ ସେମିତି । ଟିକିଏ ମଉକା ପାଇଲେ ଖାଲି ଘରେ ଆଉ କାହାକୁ ରଖିଦେବେ । ତା ପରେ ଯାହା କିଛି ତାଙ୍କର ହେଇ ଥିବ ତାକୁ ମଧ୍ୟ ଦେଇଦେବେ ବିନା ଦ୍ବିଧାରେ ।


 -- କି - ସାଙ୍ଘାତିକ !

-- ଏଇଆ ହିଁ ହୁଏ ସଚରାଚର । ଆଗରୁ ହେଉଥିଲା , ଏବେ ହେଉଛି ।ଆଗକୁ ମଧ୍ୟ ହେଉଥିବ । ପ୍ରେମରେ ପଡିଲେ ହୃଦୟ ର ଭାଷା , ସ୍ୱର ,ରଙ୍ଗ

ସବୁ କିଛି ବଦଳି ଯାଉଥିବ । ନିଜକୁ ହଜେଇ ଆଉ କାହାର ହେଇଯିବାରେ

ଆନନ୍ଦ ପାଉଥିବ । ଆଉ କାହା ହୃଦୟକୁ ଜିତିବା ପାଇଁ ନିଜକୁ ସହସ୍ର ବାର ହାରୁଥିବ । ଅନ୍ୟର ନାଁ ରେ ନିଜକୁ ଭୁଲିଯାଉଥିବ ।


--ଓଃ !! ,............ଏମିତି - - - ତେବେ ପ୍ରେମରେ ପଡିଲେ ଶେଷରେ ନିଜ

ହୃଦୟ ଟା ବି ନିଜ ପାଇଁ ବେଇମାନ ହେଇ ଯିବ ।ନିଜକୁ ଭୁଲିଯାଇ ଆଉ କାହାର ହେଇଯିବ ।

ହା -- ହା-- ହା--ହା ଦୁହେଁ ଏକସ୍ୱରରେ ହସି ଉଠିଲେ ।




Rate this content
Log in

More oriya story from Rasmita Dixit

Similar oriya story from Fantasy