ହଁ ସେ ଗାଁ ବଦଳି ଯାଇଛି

ହଁ ବନ୍ଧୁ ସେ ଗାଁ ବଦଳି ଯାଇଛି,

ସେଠି ସକାଳେ କାଉ ର ଆଉ

ରାବ ଶୁଭୁନି କି ଖରା ବେଳେ

କୋଇଲି ର କୁହୁ ଶୁଭୁନି..😔

ହଁ ବନ୍ଧୁ ସେ ଗାଁ ବଦଳି ଯାଇଛି,

ଚାଷୀ ଆଉ ଲଙ୍ଗଳ ଧରୁନି,

କି ଶଗଡ଼ ବଲା ର ଆଉ

ଶଗଡ଼ ଗଡ଼ୁନି...😔

ହଁ ବନ୍ଧୁ ସେ ଗାଁ ବଦଳି ଯାଇଛି,

ସବୁଜ ପରିସୀମା ରେ ଭରିଥିବା

ସେ ଗଛ ସବୁ କାହିଁ କେତେ ଦିନୁ

ଥୁଣ୍ଟା ହୋଇ ପଡ଼ି ରହିଛି..😔

ହଁ ବନ୍ଧୁ ସେ ଗାଁ ବଦଳି ଯାଇଛି,

ଚାଳ ଛପର ରେ ଭରି ଥିବା ସେ

ଗାଁ ଟି ଆଜି ବଡ଼ ବଡ଼ କୋଠା

ରେ ପରିଣତ ହୋଇଛି..🤔

ହଁ ବନ୍ଧୁ ସେ ଗାଁ ବଦଳି ଯାଇଛି,

ଆଗ ପରି ସେ ଗାଁ ରେ ଆଉ

ରଜ ଦୋଳି ଦେଖିବାକୁ ମିଳୁନି

କି ଦୋଳ ଯାତ୍ରା ରେ ରଙ୍ଗ ଖେଳ

ଦେଖିବାକୁ ମିଳୁନି..🤔

ହଁ ବନ୍ଧୁ ସେ ଗାଁ ବଦଳି ଯାଇଛି,

ସେ ରାମାୟଣ ଟୁଙ୍ଗି ରେ ଆଉ

ରାମାୟଣ ଶୁଣିବାକୁ ମିଳୁନି, କି

ସେ ବୁଢ଼ା ବରଗଛ ମୂଳେ ଲୋକଙ୍କ

ଭିଡ଼ ଆଉ ଜମୁନି..🥺

ହଁ ବନ୍ଧୁ ସେ ଗାଁ ବଦଳି ଯାଇଛି,

ଆଗ ପରି ଆଉ ସେ ନଦୀ ପଠାରେ

ସୁନ୍ଦରୀ ମାନଙ୍କୁ ଦେଖିବାକୁ ମିଳୁନି

କି ଆଗ ପରି ଆଉ ସେ ନାଉରୀ ର

ଗୀତ ଶୁଭୁନି..🥺